چائنا بینک کی عمارت گرنے سے پانچ افراد ہلاک

شمال مشرقی چین کے جلن صوبہ میں پیر کے دن صبح چائنا بینک کی عمارت گرنے سے پانچ لوگوں کی موت ہوگئی اور چار دیگر زخمی ہوگئے۔ مقامی افسران نے منگل کو یہ اطلاع دی۔

افسران نے بتایا کہ یہ عمارت بائچھینگ دیہی بینک کی ایک شاخ ہے اور اس کی مرمت کا کام چل رہا تھا۔ اسی دوران یہ حادثہ پیش آیا۔

افسران نے بتایا کہ راحت وبچاؤ کاموں کے بند ہونے کےبعد پانچ لوگوں کے مارے جانے کی تصدیق ہوگئی ہے اور چار لوگوں کو اسپتال میں بھرتی کرایا گیا ہے جہاں ان کی حالت سنگین بتائی گئی ہے۔ حادثے کے وجوہات کا پتہ نہیں چل سکا ہے۔