بلیک فنگس کا وائرس اب افغانستان پہنچا

وزارت صحت کے اعداد و شمار کے مطابق ملک میں اب تک 1،22،156 افراد کورونا سے متاثر ہوئے ہیں جبکہ ہلاکتوں کی تعداد 5،048 جا پہنچی ہے۔

افغانستان میں کورونا کیسز میں مسلسل اضافے کے درمیان صحت حکام نے کووڈ سے منسلک بلیک فنگس کے پہلے کیس کی نشاندہی کی ہے۔

افغان ۔جاپان اسپتال کے ڈاکٹروں نے بتایا کہ انہوں نے کورونا سے وابستہ بلیک فنگس مریض کی شناخت کی ہے۔

دریں اثنا افغانستان میں گذشتہ 24 گھنٹوں کے دوران 5،506 افراد کا کورونا ٹسٹ کیا گیا، جن میں سے 1،940 افراد متاثر پائے گئے ہیں۔ اس دوران مزید 86 مریض فوت ہوگئے جبکہ 912 مزید افراد نے کورونا کو شکست دی ہے۔

وزارت صحت کے اعداد و شمار کے مطابق ملک میں اب تک 1،22،156 افراد کورونا سے متاثر ہوئے ہیں جبکہ ہلاکتوں کی تعداد 5،048 جا پہنچی ہے۔

بلیک فنگس سے متاثرہ کابل کے مریض کا نام شجاع بتایا گیا ہے، وہ اپنی بینائی سے محروم ہوچکا ہے۔ اس کے لواحقین نے بتایا کہ اس کے منہ اور گلے میں سیاہ زخم کے نشانات دکھائی دے رہے ہیں۔

مریض کے ایک رشتہ دار صادق نے بتایا کہ’’چار دن پہلے اس نے گلے میں درد کی شکایت کی، پھر اس نے کہا کہ اس کے سر میں درد ہے بعد میں اس کی بینائی چلی گئی‘‘۔

ڈاکٹروں نے کہا ہے کہ یہ علامات پہلے بھارت اور پھر ایران میں سانے آئی تھیں۔