Kabul Airport Blast: 'کابل ایئرپورٹ پر متعدد لوگوں کی موت امریکی مرینز کی فائرنگ سے ہوئی'

مشہور امریکی نشریاتی ادارہ سی این این نے 26 اگست 2021 کو ہوئے کابل ایئرپورٹ دھماکے کا انکشاف کرتے ہوئے دعویٰ کیا ہے کہ مرنے والے 180 افراد میں سے متعدد لوگوں کی موت گولی لگنے سے ہوئی۔ CNN Summarizes Kabul Airport Blast۔

واشنگٹن:مشہور امریکی نشریاتی ادارہ سی این این نے 26 اگست 2021 کے کابل ایئرپورٹ دھماکے پر پنٹاگن کی بریفنگ کی پول کھولنے کا دعویٰ کیا ہے CNN Summarizes Kabul Airport Blast۔

پنٹاگن نے کہا تھا کہ تمام 180 افراد دھماکے میں مارے گئے۔ سی این این کی انویسٹی گیٹو رپورٹ کے مطابق متعدد افراد گولیاں لگنے سے مرے۔ تب پنٹاگن نے دعویٰ کرتے ہوئے کہا تھا کہ امریکی مرینز کی فائرنگ سے کسی کو نقصان نہیں پہنچا۔

سی این این کی شائع کردہ رپورٹ نے پنٹاگن کے دعوؤں کو جھٹلا دیا ہے۔ کابل ایئرپورٹ کے باہر ہونے والے دھماکے اور فائرنگ کے بارے میں پنٹاگن نے میڈیا بریفنگ دی تھی، جس میں بتایا گیا تھا کہ تمام اموات دھماکے سے ہوئیں اور دھماکے کی ذمہ داری داعش خراسان نے قبول کی۔ رپورٹ میں مزید دعویٰ کیا گیا تھا کہ امریکی مرینز نے گولیاں ہوا میں چلائی تھیں، جن سے کوئی جانی نقصان نہیں ہوا تھا۔
مزید پڑھیں:

سی این این کی اسپیشل رپورٹ کے مطابق اموات صرف دھماکے سے نہیں بلکہ گولیاں لگنے سے بھی ہوئیں، امریکی نشریاتی ادارے نے عینی شاہدین اور ڈاکٹرز کے بیانات پیش کیے ہیں، مقتولین کے میڈیکل ریکارڈز بھی حاصل کیے جن میں صاف لکھا ہے کہ اموات گولی لگنے سے ہوئیں۔

(یو این آئی)