لبنان: بیروت میں آگ کا دھواں اب تک

لبنان کے دارالحکومت بیروت میں گزشتہ روز زبردست آگ نے بیروت کے باشندوں کو ایک بار پھر خوف میں مبتلا کر دیا ہے۔ گذشتہ ماہ ہوئے دھماکے سے سبق لیتے ہوئے بے شمار لوگوں نے بیرت کو چھوڑ دیا ہے، کیوں کہ گذشتہ روز کے آگ لگنے کا دھواں اٹھنا اب بھی جاری ہے۔

جمعرات کو لبنان کے دارالحکومت بیروت کے بندرگاہ پر زبردست آگ بھڑک اٹھی تھی، جس کا دھواں اب بھی اٹھ رہا ہے جمعہ کی صبح آگ کے مقام پر فائرفائٹر کا عملہ بھی دیکھا گیا۔

گذشتہ ماہ اسی سائٹ پر تباہ کن دھماکے کے تکلیف دہ اثرات کے ساتھ جدوجہد کرنے والے باشندوں میں ایک نئے قسم کا خوف پھیلا ہوا ہے۔ حالانکہ اس حادثے میں کسی کے زخمی ہونے کی کوئی اطلاع نہیں ہے۔

اسی خوف کے نتیجے میں کچھ لوگوں نے بند غسل خانوں میں پناہ لے لی اور کسی دوسرے دھماکے کی صورت میں شیشوں کو بکھرنے سے بچانے کے لئے کھڑکیاں کھول دیں، جبکہ کچھ لوگوں نے یہاں سے فرار ہو جانا ہی غنیمت سمجھا۔