عراق کے دارلحکومت بغداد میں کووڈ ہسپتال میں سنیچر کی رات آگ لگ جانے سے کم از کم 21 مریضوں کی موت ہوگئی اور 40 دیگر زخمی ہوگئے۔نیوز پورٹل بغداد الیوم نے ذرائع کے حوالے سے اپنی رپورٹ میں بتایا کہ آکسیجن سلینڈر میں دھماکہ ہونے سے آگ لگ گئی۔رپورٹ کے مطابق مرنے والوں کی تعداد میں اضافہ ہوسکتا ہے۔
عراق: کووڈ ہسپتال میں آتشزدگی سے21 مریضوں کی موت
عراق کے وزیراعظم مصطفى الكاظمی نے دارلحکومت بغداد میں کووڈ اسپتال میں آگ لگنے کے واقعہ کی جانچ ہونے تک ہسپتال کے سربراہ کو حراست میں رکھے جانے کے احکام جاری کئے۔
کووڈ ہسپتال میں آتشزدگی
عراق کے وزیراعظم مصطفى الكاظمی نے راجدھانی بغداد میں کووڈ اسپتال میں آگ لگنے کے واقعہ کی جانچ ہونے تک اسپتال کے سربراہ کو حراست میں رکھے جانے کے احکام جاری کئے۔وزیراعظم کے دفتر نے اتوار کو یہ اطلاع دی۔بغداد میں واقع ایک کووڈ اسپتال میں سنیچر کی رات آکسیجن سلینڈر میں دھماکہ ہوجانے سے آگ لگ گئی۔ مقامی میڈیا کی تازہ رپورٹوں کے مطابق واقعہ میں مرنے والوں کی تعداد 28 ہوگئی ہے جبکہ 50 سے زیادہ لوگ زخمی ہوئے ہیں۔
رپورٹ میں مرنے والوں کی تعداد میں اضافے کا خدشہ ظاہر کیا گیا ہے۔ وزیراعظم کے دفتر کی جانب سے جاری بیان کے مطابق الکاظمی نے فوری طور پر حادثے کے اسباب کی جانچ کئے جانے کے احکام جاری کئے ہیں۔ بیان میں کہا گیا ہے کہ جانچ مکمل ہونے تک اسپتال کے سربراہ ، سیکیورٹی سروسز کے ڈائریکٹر اور آلات کی دیکھ ریکھ کے ذمہ دار افراد زیر حراست رہیں گے۔