مالدیپ: سابق صدر کے خلاف فرد جرم عائد

مالدیپ کے سابق صدر عبد اللہ یامین عبد القیوم کے خلاف منی لانڈرنگ کیس میں چارج شیٹ درج کیا گیا ہے۔

سابق صدر کی بد عنوانی کا معاملہ اس وقت سرخیوں میں آیا تھا جب ریاستی تحقیقاتی ادارے نے یامین کے خلاف مالی معاملات کے غیر قانونی استعمال پر یہ خلاف کیس درج کیا تھا۔

گذشتہ ماہ نو منتخب مالدیپ صدر نے اس بات کا حکم دیا تھا کہ سابق تمام افسران کے خلاف تحقیات کی جائیں اور قصور وار پائے جانے پر انکے خلاف ممکنہ کاروائی کی جائے۔

مالدیپ صدرابراہیم صالح کے ترجمان ابراہیم ہود کے مطابق سابق صدر سے متعلق تمام معاملات اگلے ماہ مارچ سے پہلے ہی مکمل کرلیے جائیں گے۔

واضح رہے کہ مالدیپ کے دستور کے مطابق تمام صدر اور وزراء کو سالانہ اپنے مالی، اور دیگر اثاثوں کی تفصیلات فراہم کرنی ہوتی ہے، تاہم سابق حکمرانوں نے یہ تفصیلا ت فراہم نہیں کی تھی۔