تائیوان میں طیارے کی ایمرجنسی لینڈنگ

ہانگ کانگ کی کیتھے ڈریگن ایئر لائنز کے ایک طیارے کے انجن سے دھواں نکلنے کی وجہ سے طیارے کو جنوبی تائیوان کے کائو سیرنگ شہر میں ایمرجنسی میں اتارا گیا۔

مقامی میڈیا کی رپورٹ کے مطابق طیارے میں 317 مسافر سوار تھے۔

تائیوان کی سنٹرل نیوز ایجنسی کی رپورٹ کے مطابق طیارے نے صبح آٹھ بج کر دو منٹ پر کائو سیرنگ سے ہانگ کانگ کے لیے اڑان بھر نے کے کچھ دیر بعد ہی طیارے کے انجن سے دھواں نکلنے لگا، جس کے بعد طیارے کو واپس اتار لیا گیا۔

واقعے کی وجوہات کی جانچ کی جا رہی ہے تاہم شبہ کیا جا رہا ہے کہ طیارے کے پرندے سے ٹکرانے کی وجہ سے یہ واقعہ پیش آیا ہے۔