افغانستان کے جنوبی صوبہ زابل میں صوبائی شاہراہ پر ایک مسافر بس میں بم دھماکے میں 11 شہری ہلاک اور 25 دیگر زخمی ہوگئے۔
مقامی حکومت نے پیر کے روز بتایا کہ یہ حادثہ اتوار کے دیر رات پیش آیا۔ حکومت کی طرف سے جاری بیان کے مطابق، یہ واقعہ دیر شب ضلع شہر شفا میں پیش آیا۔
اس واقعے کے بعد صوبائی پولیس اور امدادی ٹیموں نے زخمیوں کو قندھار کے علاقائی اسپتال میں داخل کرایا۔ ہلاکتوں کی تعداد میں اضافہ ہوسکتا ہے کیونکہ متعدد زخمیوں کی حالت تشویشناک ہے۔
بیان کے مطابق واقعے کے وقت بس میں 43 افراد سوار تھے۔ اس حملے کا ذمہ دار طالبان کو قرار دیتے ہوئے کہا گیا ہے کہ صوبائی پولیس واقعے میں ہلاک ہونے والے افراد کے اہل خانہ سے رابطہ کرنے کی کوشش کر رہی ہے۔
افغانستان میں سیکیورٹی فورسز کو نشانہ بنانے کے لئے سڑک کے کنارے بارودی سرنگوں یا طاقتور بم دھماکہ خیز آلات (IEDs) کا استعمال کرتے ہیں لیکن عام لوگ بھی دھماکہ خیز مواد کی وجہ سے اپنی جان سے ہاتھ دھو بیٹھتے ہیں۔ گذشتہ سال آئی ای ڈی دھماکوں میں 920 شہری ہلاک اور 1،640 دیگر زخمی ہوئے تھے۔
اس دوران ابھی تک اس دھماکے کی ذمہ داری کسی تنظیم نے قبول نہیں کی ہے۔
