کورونا وائرس سے اب تک 492 افراد ہلاک

گزشتہ روز ناول کرونا وائرس سے 65 افراد ہلاک ہو گئے ہیں جبکہ 24000 لوگ اب تک اس وائرس سے متاثر ہوئے ہیں۔

چین میں کورونا وائرس کی وبا اتنی زیادہ پھیل گئی ہے کہ مرنے والوں کی تعداد میں اضافہ ہوتا جا رہا ہے، چین کے سرکاری ٹی وی چینل کے مطابق اس بیماری سے مرنے والوں کی تعداد اب 492 ہو گئی ہے۔

میڈیا رپورٹز کے مطابق چین سے باہر ابھی تک صرف دو کیس سامنے آئے ہیں، اس وائرس کے پھیلنے سے چین کے پڑوسی ممالک نارتھ کوریا، روس اور منگولیہ نے چین کے ساتھ اپنی سرحد کو بند کر دیا ہے جس کی وجہ سے دونوں طرف کاروبار کو کافی نقصان پہنچا ہے۔

ابھی تک ناول کورونا وائرس کے علاج کی کوئی دوا نہیں ہے جبکہ سائنسدان لگاتار اس پر تحقیق کر رہے ہیں، صحت کی کچھ تنظیموں نے ایچ آئی وی اور نزلے کی دوا کو آپس میں ملا کر ایک مریض پر ٹیسٹ کیا ہے جس کا تجربہ کامیاب ہوا ہے لیکن اس دوا پر بھی مزید تحقیق کرنے کی ضرورت ہے۔

چین میں ناول کورونا وائرس سے لوگوں کو بچانے کے لیے ملک میں سفر پر پابندیاں لگا دی گئی ہیں، وہیں چین کے عوام میں کافی خوف و ہراس پایا جا رہا ہے۔

پوری دنیا میں متعدد ممالک کے صحت محکموں کی طرف سے اس وائرس سے لوگوں کو بچانے کے لیے اقدام اٹھائے جا رہے ہیں، کورونا وائرس کے کیسز ابھی تک آسٹریلیا، فرانس، امریکہ اور بر اعظم ایشیا کے سات ملکوں میں سامنے آئے ہیں۔

وہیں امریکہ، اسٹریلیا اور سنگاپور کی طرف سے دوسرے ممالک کے شہریوں کے لیے اپنے دروازے بند کر دیے گئے ہیں اور ان ممالک کے علاوہ ویتنام نے بھی اپنی پروازوں کو چین بھیجنے سے منع کر دیا ہے۔