عراقی حکام نے کورونا وائرس کے پھیلاؤ کو روکنے کے لئے تمام عوامی اجتماعات پر پابندی عائد کرتے ہوئے کرفیو کو جاری رکھنے کا فیصلہ کیا ہے۔
دارالحکومت بغداد کی سڑکیں سنسان ہیں عراقی سیکیورٹی فورسز نے بغداد میں چوکیاں قائم کی ہیں اور لاک ڈاؤن کو نافذ کرنے کے لئے فوج کے جوانوں کو مختلف جگہوں پر تعینات کیا گیا ہے۔
وزارت صحت کے مطابق ملک بھر میں کورونا متاثرین کی تعداد بڑھ کر 4 ہزار 848 ہو گئی ہے۔ ان میں سے 169 افراد ہلاک ہوئے ہیں۔
عراقی محکمہ صحت کے حکام نے شہریوں سے اپیل کی ہے کہ وہ صحت کے رہنما اصولوں پر عمل کریں اور ضرورت کے وقت ہی گھروں سے باہر نکلیں۔
رواں ہفتے بغداد اور ملک بھر میں کووڈ 19 کے انفیکشن میں اضافہ ہونے کے سبب حکام نے 20 مئی سے 3 جون تک 24 گھنٹوں کا کرفیو نافذ کردیا ہے۔