چین میں کورونا وائرس سے مرنے والوں کی تعداد میں اضافہ

چین میں کورونا وائرس (كووڈ -19) سے مرنے والوں کی تعداد بڑھ کر 3،176 اور اس بیماری سے متاثرہ افراد کی تعداد بڑھ کر 80،813 تک پہنچ گئی ہے.

نیشنل ہیلتھ کمیشن نے جمعہ کو یہ اطلاع دی ۔ کمیشن نے بیان جاری کر کے کہا' قومی صحت مشن نے کورونا وائرس سے 31 صوبوں میں مجموعی 80،813 معاملات کی تصدیق کی ہے جن میں سے 13،526 افراد متاثر ہیں، 4020 کی حالت نازک ہے اور 3،176 افراد کی موت ہو چکی ہے اور 64،111 لوگوں کو صحتیاب ہونے کے بعدا سپتال سے فارغ کر دیا گیا۔

یہ نھی پڑھیں: تہران اور ٹوکیو کو طبی سامان کا عطیہ کرنے کا فیصلہ

واضح رہے کہ چین کے ووہان شہر میں کورونا وائرس کا پہلا معاملہ سامنے آیا تھا جس کے بعد سے اب تک یہ 110 سے زائد ممالک میں پھیلا چکا ہے۔

عالمی ادارۂ صحت کے سربراہ ڈاکٹر ٹیڈروس ادھانوم نے بدھ کے روز کورونا وائر س کو وبا قرار دے دیا ہے ۔