سری لنکا کے ہیلتھ ایڈمنسٹریشن کے مطابق ضلع گمپہا میں 39 سالہ مزدور اور اس کی 16 سالہ بیٹی کے کورونا وائرس سے متاثر ہونے کے بعد سیکڑوں افراد کو کورنٹائن کرنا پڑا۔
حکومت کے محکمہ اطلاعات کے مطابق پیر کی شام تک 101 نئے متاثرہ مریض پائے گئے ہیں۔
سری لنکا میں کورونا وائرس کیسز میں اضافہ - کورونا وائرس
سری لنکا میں ایک بار پھر کورونا وائرس کے کیسز میں اضافہ ہوا ہے اور ملک میں متاثرہ مریضوں کی تعداد 3500 سے تجاوز کرگئی ہے، پیر کے روز یہاں 100 سے زیادہ نئے کیسز رپورٹ ہوئے۔
image
کولمبو کے مضافات میں زیادہ تر نئے متاثرہ مریضوں کو قومی متعدی بیماریوں کے اسپتال میں داخل کیا گیا ہے۔ احتیاطی اقدام کے طور پر پولیس نے اتوار کے روز ضلع گمپہامیں کرفیو نافذ کردیا ہے ۔
وزارت صحت نے لوگوں کو ہدایت دی ہے کہ وہ رہنما اصولوں پر سختی سے عمل کریں ، ماسک پہنیں اور معاشرتی فاصلہ برقرار رکھیں۔ سری لنکا میں کورونا وائرس کی وجہ سے اب تک 13 افراد کی موت ہوچکی ہے۔