کورونا وائرس سے امریکہ میں اموات مسلسل بڑھ رہی ہیں جس سے اسٹاک مارکٹ بھی مسلسل دوسرے ہفتے مندی کا شکار ہے، جبکہ ایئرلائن انڈسٹری کو وائرس سے 113 ارب ڈالر کے نقصان کا خدشہ ہے۔
ایس اینڈ پی فائیو ہنڈریڈ انڈیکس 3 فیصد سے بھی نیچے جا گرا ہے، ایئرلائنز کے شیئر کی قدر سب سے زیادہ گری ہے جبکہ صنعتی، مالیاتی اور اینرجی اسٹاک بھی بری طرح مندی کا شکار ہے۔
کورونا وائرس کی وجہ سے زراعت پر بھی اثر پڑرہا ہے کورونا کے سبب دنیا بھر میں لوگوں نے بیرون اور اندرون ملک سفر میں کمی کردی ہے جس سے ایئر لائن انڈسٹری سب سے زیادہ متاثر ہے، جبکہ اپنی منزلوں پر جانے والے جہازوں کی اکثر نشستیں خالی ہیں اور ایئرپورٹ اجڑ گئے ہیں۔
کورونا سے ایک کے بعد دوسری صنعت متاثر ہونے کے خدشات بڑھ گئے ہیں، وائرس سے امریکہ کی ریاست میری لینڈ بھی متاثر ہوئی ہے۔
ریاست کے گورنر کے مطابق اوورسیز سے آنے والے شخص کے ذریعے بیماری پھیلی ہے جبکہ کیلی فورنیا میں ایمرجنسی نافذ ہے جہاں ساحل پر ایک جہاز کو روک لیا گیا ہے اور اس کے 2500 مسافروں کا کورونا ٹیسٹ لیا گیا ہے۔
ایس اینڈ پی فائیو ہنڈریڈ انڈیکس 3 فیصد سے بھی نیچے جاگرا ہے امریکی میڈیا کے مطابق ایک پالتو کتا بھی کورونا بیماری کا شکار ہواہے جس سے یہ خدشہ ظاہر کیا جا رہا ہے کہ بیماری نہ صرف انسان سے انسان بلکہ انسان سے جانور میں بھی منتقل ہو رہی ہے۔
