عراق: بغداد میں حالات کشیدہ

مظاہرین کا مطالبہ ہے کہ عراق میں طبقاتی سیاسی نظام کا خاتمہ ہو، ساتھ ہی فوری طور پر انتخابات کرائے جائیں اور حکمراں لوگوں کو انتخابات سے دور رکھا جائے۔

عراق کے دارالحکومت بغداد میں حکومت مخالف مظاہروں نے شہر کے حالات میں کشیدگی پیدا کر دی۔

یہ مظاہرہ گذشتہ روز ہونے والے مظاہرے کا فالواپ ہے، جس میں کم از کم 27 افراد زخمی ہوئے تھے۔

مظاہرین کا مطالبہ ہے کہ عراق میں طبقاتی سیاسی نظام کا خاتمہ ہو، ساتھ ہی فوری طور پر انتخابات کرائے جائیں اور حکمراں لوگوں کو انتخابات سے دور رکھا جائے۔

خیال رہے کہ گذشتہ برس یکم اکتوبر کو اس بغاوت کا آغاز ہوا تھا، عراقی باشندے سڑکوں پر اتر آئے تھے۔ حکومت کی بدعنوانی، سرکاری خدمات کی ناقص کار کردگی اور ملازمتوں کے بحران کے خلاف لوگوں نے حکومت کے خلاف آواز بلند کرنا شروع کیا تھا، جس کا سلسلہ آج تک جاری ہے۔

حالیہ ہفتوں میں ایران اور امریکہ کے مابین کشیدگی میں اضافے کے بعد مظاہروں کی شدت میں دوبارہ اضافہ ہو گیا ہے۔