چین میں کورونا وائرس سے مرنے والوں کی تعداد 2592 تک پہنچی

چین میں وبا کی شکل اختیار کر چکےکورونا وائرس سے مرنے والو کی تعداد بڑھ کر 2 ہزار 592 اور متاثرین کی تعداد 77 ہزار 150 ہو گئی ہے۔

چین کے نیشنل ہیلتھ کمیشن کی جانب سے پیر کو جاری حالیہ رپورٹ میں یہ اطلاع دی گئی۔ کمیشن کے مطابق اب تک 24 ہزار 734 اس وبا سے صحیاب ہوچکے ہیں۔فی الحال کورونا وائرس سے متاثر 49 ہزار 824 مریضوں کا علاج کیا جارہا ہے جن میں سے 9 ہزار 915 کی حالت سنگین بتائی جارہی ہیے۔

کمیشن کے مطابق چین میں گزشتہ 24 گھنٹوں میں اس وائرس کے 409 نئے کیس کی تصدیق ہوئی ہے اور تقریبا 150 افراد کی موت ہو ئی ہے، جن میں سےبیشتر کیس صوبہ ہبوئی کے ہیں۔

قابل غور ہے کہ کورونا وائرس کا پہلا کیس چین کے صوبہ ہبوئی کے دارالحکومت ووہان میں گزشتہ سال دسمبر کے آخر میں سامنے آیا تھا اور اب یہ چین کے 31 صوبوں میں پھیل چکا ہے۔ موجودہ وقت میں کورونا وائرس بھارت سمیت دنیا کے 26 سے زائد ممالک میں پھیل چکا ہے۔