چین میں کورونا کے تین نئے کیسز

چین کے نیشنل ہیلتھ کمیشن نے جمعرات کو کہا کہ ملک میں باہر سے آنے والے تین افراد میں کورونا وائرس کی تصدیق ہونے سے بیرونی کیسز کی تعداد 2059 ہوگئی ہے۔

کمیشن نے باقاعدہ رپورٹ میں کہا ہے کہ گوانگ ڈونگ، یوننان اور شانسی صوبے میں بالترتیب ایک ایک کیس سامنے آئے ہیں۔

کمیشن نے کہا کہ باہر سے آئے تمام کیسز میں سے 1981 مریضوں کو صحتیاب ہونے کے بعد مختلف اسپتالوں سے ڈسچارج کیا گیا ہے اور 78 اسپتال میں داخل ہیں جن میں سے دو کی حالت تشویشناک ہے۔ باہر سے آنے والے کیسز میں موت نہیں ہوئی۔