Bird flue: انسانوں میں برڈ فلو کے H10N3 اسٹرین کا پہلا معاملہ

صحت کے حکام نے اس انفیکشن پر زیادہ توجہ نہ دیتے ہوئے کہا ہے کہ یہ مرغی سے انسانوں میں پھیلنے والے وائرس (H10N3) کا ایک نادر کیس ہے اور وبا پھیلنے کا خطرہ بہت کم ہے۔

انسانوں میں برڈ فلو کے ایچ 10 این 3 (H10N3 bird flu) اسٹرین سے متاثر ہونے کا پہلا معاملہ چین کے مشرقی صوبے جیانگسو میں سامنے آیا ہے۔ منگل کے روز چین کے قومی صحت کمیشن نے یہ معلومات دی ہے۔

سرکاری سی جی این ٹی ٹی وی نے بتایا کہ سنجیانگ شہر کے 41 سالہ مریض کی حالت مستحکم ہے اور اسے اسپتال سے ریلیز کیا جاسکتا ہے۔

صحت کے حکام نے اس انفیکشن پر زیادہ توجہ نہیں دیتے ہوئے کہا ہے کہ یہ مرغی سے انسانوں میں پھیلنے والے وائرس کا ایک نادر کیس ہے اور وبا پھیلنے کا خطرہ بہت کم ہے۔

قومی صحت کمیشن نے ایک بیان میں کہا ہے کہ 28 مئی کو مریض ایچ 10 این 3 برڈ فلو سے متاثر پایا گیا تھا۔ کمیشن نے یہ نہیں بتایا کہ اس شخص کو کیسے انفکشن ہوا۔ انہوں نے کہا کہ اس سے قبل دنیا میں کہیں بھی انسانوں میں ایچ 10 این 3 برڈ فلو کے انفیکشن کا معاملہ نہیں ہوا ہے۔

ایچ 10 این 3 برڈ فلو مرغیوں میں برڈ فلو پھیلنے کے مقابلے کمزور شکل ہے اور اس کے بڑے پیمانے پر پھیلاؤ کا خطرہ بہت کم ہے۔

چین میں برڈ فلو کی مختلف قسمیں ہیں، جن سے انسانوں کو متاثر ہونے کے معاملات بھی کبھی کبھی سامنے آتے ہیں۔