گزشتہ کئی دنوں سے چین میں پھیلے ہوئے جان لیوا کورونا وائرس اب بھی ختم نہیں ہوا ہے اور اس کی وجہ سے مرنے والوں کی تعداد میں مسلسل اضافہ ہو رہا ہے، اس خوفناک وائرس کی وجہ سے اب تک 1868 افراد لقمہ اجل بن چکے ہیں۔
چینی حکومتی ذرائع کا کہنا ہے کہ اس وائرس کے مزید 1807 نئے کیسز سامنے آئے ہیں۔
چینی ہیلتھ کمیشن کے مطابق 'چین میں کورونا وائرس سے متاثرہ مریضوں کی تعداد 72 ہزار 436 سے زائد ہوگئی ہے، جن میں پیرا میڈیکل اسٹاف بھی شامل ہے جبکہ اس وباء سے 12 ہزار 522 افراد صحتیاب ہوچکے ہیں۔
اطلاعات کے مطابق 'چین میں ڈاکٹرز اور نرسوں کو بھی مریضوں کے علاج میں مشکلات کا سامنا ہے، کورونا وائرس سے چین کے علاوہ تائیوان، فلپائن، ہانگ کانگ، جاپان اور فرانس میں ہلاکتیوں کے معاملات سامنے آئے ہیں جب کہ دیگر کئی ممالک میں متعدد افراد کے اس وائرس سے متاثر ہونے کی خبریں آ رہی ہیں۔