چین: گزشتہ 24 گھنٹوں میں کورونا سے کوئی موت نہیں

چین میں گزشتہ 24 گھنٹوں میں کورونا وائرس 'كووڈ -19' سے کوئی بھی موت کا نیا معاملہ سامنے نہیں آیا ہے جبکہ اس دوران کل 12 افراد کورونا وائرس سے متاثر ہونے کی اطلاع ضرور ہے، چین کے نینشل ہیلتھ کمیشن نے پیر کو یہ اطلاع دی۔

کمیشن کے مطابق گزشتہ 24 گھنٹوں میں کل 22 افراد اس بیماری سے ٹھیک ہوئے ہیں، چین میں آئے 12 نئے کیسز میں آٹھ مریض دیگر ممالک سے آئے ہیں، اس کے ساتھ ہی چین میں دیگر ممالک سے آنے والے کیسز کی تعداد بڑھ کر 1583 ہو گئی ہے۔

کمیشن کے مطابق چین میں اب تک کل 82 ہزار 747 متاثرہ کیسز سامنے آئے ہیں، اس بیماری سے مرنے والوں کی تعداد بڑھ کر چار ہزار 632 ہو گئی ہے، جبکہ 77 ہزار افراد صحتیاب بھی ہو چکے ہیں۔

چین میں کورونا وائرس کا پہلا معاملہ گزشتہ برس دسمبر میں صوبہ ہبوئی کے دارالحکومت ووہان میں آیا تھا، گزشتہ 24 گھنٹوں میں ووہان کے اسپتال سے چار نئے مریضوں کو چھٹی دے دی گئی ہے اور اس دوران صوبہ ہبوئی میں ایک بھی نیا معاملہ سامنے نہیں آیا ہے۔