چارلی ہیبڈو نے اب اردگان کو بنایا نشانہ، ترکی بھی کارروائی کے لیے تیار

ترکی نے فرانسیسی رسالہ چارلی ہیبڈو میں صدر رجب طیب اردگان کے کارٹون پر قانونی اور سفارتی اقدامات کرنے کے عزم کا اظہار کیا ہے۔

ترکی نے فرانسیسی رسالے چارلی ہیبڈو کے سرورق پر صدر رجب طیب اردگان کے کارٹون پر 'قانونی اور سفارتی اقدامات' کرنے کا وعدہ کیا ہے، جس میں اس نے 'نفرت اور عداوت کے بیج' بوئے جانے کا الزام لگایا ہے۔

کارٹون میں ترکی کے صدر کو نقاب پوش خاتون کا لباس اٹھاتے ہوئے دکھایا گیا ہے۔

سرکاری میڈیا کا کہنا ہے کہ ترک استغاثہ نے طنزیہ رسالے کی باضابطہ تحقیقات کا آغاز کردیا ہے۔

صدر ایمانوئل میکخواں کی جانب سے مذہب اسلام کے خلاف سخت موقف اختیار کرنے کے بعد فرانس اور ترکی کے مابین کشیدگی بڑھ گئی ہے۔

اردگان نے ترکوں سے فرانسیسی مصنوعات کی بائیکاٹ کرنے کا مطالبہ کیا ہے اور کہا ہے کہ صدر میکخواں کو ذہنی علاج کی ضرورت ہے۔

بنگلہ دیش، کویت، اردن اور لیبیا سمیت متعدد مسلم اکثریتی ممالک میں فرانس کے خلاف بائیکاٹ اور احتجاج جاری ہیں۔