افغانستان: سڑک حادثے میں 7 افراد ہلاک

حادثہ پیر کی رات افغانستان کے دارالحکومت اور جنوبی صوبہ قندھار کو جوڑنے والی شاہراہ پر ہوا ہے۔

افغانستان کے دارالحکومت کابل میں دو بسوں کے درمیان تصادم میں کم از کم سات افراد ہلاک جبکہ 70 سے زائد لوگ زخمی ہو گئے ہیں۔

یہ ٹریفک حادثہ پیر کی رات افغانستان کے دارالحکومت اور جنوبی صوبہ قندھار کو جوڑنے والی شاہراہ پر ہوا ہے۔

بسیں مخالف سمت جارہی تھیں، اس دوران دونوں بسوں کی سامنے سے ٹکر ہو گئی لیکن فوری طور پر حادثے کی وجہ کا پتہ نہیں چل سکا۔

افغانستان میں ٹریفک حادثات عام ہیں، جس کی بنیادی وجہ سڑک کے خراب حالات اور شاہراہوں پر ڈرائیوروں کی لاپروائی ہے۔