پاکستان: اپریل کے آخر تک کورونا متاثرین کی تعداد 50 ہزار سے تجاوز کر سکتی ہے

پاکستان میں اپریل کے اواخر تک کورونا وائرس متاثرین کی تعداد 50 ہزار سے تجاوز کر سکتی ہے۔ یہ خدشہ پاکستان کی نیشنل ہیلتھ سروسز ریگولیشن اینڈ کوآرڈینیشن وزارت نے سپریم کورٹ میں سونپی رپورٹ میں ظاہر کیا ہے۔

میڈیا رپورٹ کے مطابق پاکستان میں اپریل کے اواخر تک کورونا وائرس متاثرین کی تعداد 50 ہزار تجاوز کر سکتی ہے۔ رپورٹ میں بتایا گیا ہے کہ 2392 مریضوں کے لیے انتہائی نگرانی کی ضرورت ہوگی جبکہ 7024 شدید طور سے متاثر ہو سکتے ہیں۔

پاکستان میں اپریل کے آخر تک کورونا متاثرین کی تعداد 50 ہزار سے تجاوز کر سکتی ہے

اس کے علاوہ 41482 مریض ایسے ہوں گے جو معمولی متاثر اور انہیں گھریلو قرنطینہ کی ضرورت ہو گی۔

رپورٹ میں کہا گیا ہے کہ یہ تخمینہ دیگر ممالک اور یورپی ممالک کی 35 دن کی صورتحال کی بنیاد پر لگایا گیا ہے۔ فی الوقت پاکستان میں 2835 افراد کورونا وائرس سے متاثر ہیں، جبکہ 42 افراد کی اس کی وجہ سے موت ہو چکی ہے۔