کابل: مسجد میں بم دھماکہ، چار افراد ہلاک

حالیہ ہفتوں میں اسلامک اسٹیٹ گروپ سے وابستہ افراد کے بیشتر حملوں کے ساتھ ہی افغانستان میں تشدد میں اضافہ ہوا ہے۔

افغان سرکاری عہدیدار نے بتایا کہ 'جمعہ کے روز مغربی کابل کی ایک مسجد کے اندر بم دھماکہ ہوا جس میں کم از کم چار افراد ہلاک اور متعدد زخمی ہوئے ہیں۔'

اس دوران وزارت داخلہ کے ترجمان طارق آرائیں نے افغانستان کے دارالحکومت میں ہونے والے دھماکے کے بارے میں کوئی مزید تفصیلات فراہم نہیں کی۔

واضح رہے کہ افغانستان میں حالیہ ہفتوں کے دوران اسلامک اسٹیٹ گروپ سے وابستہ بیشتر حملوں کے ساتھ ہی تشدد میں اضافہ ہوا ہے۔ اس ماہ کے شروع میں آئی ایس آئی نے کابل میں ایک مسجد میں خودکش حملہ کیا تھا جس میں دینی رہنما ہلاک اور آٹھ دیگر زخمی ہوگئے تھے۔

امریکہ نے دارالحکومت میں زچگی کے ایک اسپتال پر گذشتہ ماہ ہونے والے خوفناک حملے کے لئے آئی ایس آئی سے وابستہ تنظیم کو ذمہ دار ٹھہرایا تھا جس میں دو نوزائیدہ بچوں اور متعدد ماؤں سمیت 24 افراد ہلاک ہوگئے تھے۔