فلپائن میں وسط مدتی انتخابات سے پہلے دھماکے

جنوبی فلپائن میں وسط مدتی انتخابات سے عین قبل كوتاباتو اور پڑوسی شہر ماگوئینداناؤ میں کم از کم تین دھماکے ہوئے ہیں۔

فوج اور پولیس کے افسران نے پیر کو یہ اطلاع دی۔

كوتاباتو شہر پولیس کے افسر لے ٹیووفیسٹو فیرر نے بتایا کہ شہر کے سٹی ہال کے احاطے میں پہلا دھماکہ اتوار کی رات دس بج کر 15 منٹ پر ہوا۔ انہوں نے کہا کہ نامعلوم مشتبہ حملہ آوروں نے گرینیڈ لانچر سے مورٹار داغے۔
فیرر نے بتایا دوسرا حملہ پیر کے روز ایک بجے ہوا جب صوبہ ماگوئیند اناؤ میں داتو اوڈین سنسوٹ شہر میں ایک میونسپل ہال میں گرینیڈ دھماکہ ہوا۔
فلپائن کی سکیورٹی فورس کے سربراہ نایل ڈیٹوياٹو کے مطابق دوسرے حملے کے چند گھنٹے بعد تیسرا گرینیڈ دھماکہ صبح سات بج کر 20 منٹ پر اسی صوبے کے داتو اوڈین سنسوٹ میں ہوا۔

ابھی تک ان حملوں میں کسی جانی نقصانات کی کوئی اطلاع نہیں ہے۔
ملک بھر میں چھ کروڑ سے زیادہ ووٹر نئے سینیٹروں ، ایوان کے نمائندوں اور مقامی حکام کو منتخب کرنے کے لئے وسط مدتی انتخابات میں اپنے ووٹ کے حق کا استعمال کریں گے۔