چین میں کرپشن کے تمام ریکارڈ ٹوٹ گئے

چین کی حکمراں کمیونسٹ پارٹی کے رکن کے گھر پر پولیس نے چھاپہ مار کر ان کے گھر سے 40 ارب ڈالر مالیت کی کرنسی اور تیرہ ٹن سونا برآمد کیا ہے۔

حکمراں کمیونسٹ پارٹی کے 58 سالہ رکن 'ژانگ کیوی'کے گھر سے برآمد 40 ارب ڈالر مالیت کی کرنسی اور تیرہ ٹن سونا برآمدگی کے بعد چین میں کرپشن اور لوٹ مار کے تمام سابقہ ریکارڈ ٹوٹ گئے ہیں۔

ذرائع کے مطابق حال ہی میں پولیس کو ژانگ کیو کے گھر میں بھاری مقدار میں سونا اور کرنسی کی موجودگی کا شبہ ہوا تو پولیس نے جنوبی چین میں 'ھنان' میں ہاکائی کے علاقے میں واقع ژانگ کیوی کے گھر پر چھاپہ مارا۔

پولیس نے گھر کی مکمل تلاشی لی جہاں سے پولیس کو 13 ٹن وزنی سونے کی سلاخیں جن کی مالیت 60 کروڑ امریکی ڈالر اور چینی یوآن، جاپانی ین، امریکی ڈالر اور یورو سمیت دیگر کرنسیوں کی کل مالیت کے 40 ارب ڈالر ملے۔ ایسے لگ رہا تھا کہ ایک چینی شخص نے اپنی گھر پر مرکزی بنک بنا رکھا ہے۔

ژانگ کو ایک ہفتہ قبل حراست میں لیا گیا تھا۔ اس پر کرپشن اور بھاری مقدار میں رشوت وصول کرنے کا الزام ہے۔

ژانگ کو اپنے گھر میں موجود اتنی خطیر رقم اور سونا رکھنے کا عدالت میں جواز پیش کرنا ہوگا ورنہ اس کے پاس دردناک موت کے انجام سے بچنے کے سوا کوئی راستہ نہیں۔

چینی زبان میں جاری ایک فوٹیج میں بھی ژانگ کیوی کے گھر سے ملنے والی رقم کی تفصیلات بیان کی گئی ہیں۔ العربیہ ڈاٹ نیٹ کو ملنے والی اطلاعات سے پتا چلتا ہے کہ کیوی 1983ء سے اپنے علاقے کا سرگرم کیمونسٹ رہنما تھا اور وہ لوگوں سے بھاری رشوت وصول کرتا رہا ہے۔