Bill Gates Visits Pakistan: بل گیٹس کا دورۂ پاکستان، ہلال پاکستان ایوارڈ سے سرفراز

پہلی مرتبہ پاکستان کے ایک روزہ دورے پر آئے مائیکروسافٹ کے بانی اور ارب پتی بل گیٹس Bill Gates Visits Pakistan نے ملک کے وزیراعظم عمران خان سے ملاقات کی، اس موقع پر انہیں ہلال پاکستان کے اعزاز سے سرفراز کیا گیا۔ Bill Gates honored with Hilal E Pakistan Award

وزیر اعظم کے دفتر (پی ایم او) کے مطابق مائیکروسافٹ کے بانی اور ارب پتی بل گیٹس پہلی مرتبہ پاکستان کے ایک روزہ دورے پر آئے ہوئے ہیں۔

بل گیٹس کو پاکستانی عوام کی فلاح و بہبود کے لیے تعاون اور ملک میں انسداد پولیو مہم کے لیے ان کی خدمات کے اعتراف میں پاکستانی صدر ڈاکٹر عارف علوی نے بل گیٹس کو 'ہلال پاکستان' ایوارڈ سے سرفراز کیا۔

عمران خان نے ٹویٹ کیا کہ میری دعوت پر پاکستان آنے والے بل گیٹس کو خوش آمدید کہتے ہوئے خوشی ہوئی۔ ان کی بہت سی کامیابیوں کے علاوہ، ان کی انسان دوستی کے لیے عالمی سطح پر تعریف کی جاتی ہے۔ ہماری قوم کی طرف سے میں پولیو کے خاتمے اور غربت کے خاتمے کے اقدامات میں ان کے بے پناہ تعاون کے لیے ان کا شکریہ ادا کرتا ہوں۔

قبل ازیں پاکستانی میڈیا نے اپنی رپورٹ میں بتایا تھا کہ وزیراعظم کے خصوصی معاون (صحت) ڈاکٹر فیصل سلطان نے تصدیق کی ہے کہ بل گیٹس ایک روزہ دورے پر پاکستان آئے تھے۔

ڈاکٹر سلطان نے کہا کہ بل گیٹس نے وزیر اعظم عمران خان، صدر عارف علوی اور صوبائی محکمہ صحت کے حکام سے ملاقات کی ہے۔

انہوں نے کہا کہ بل اینڈ میلنڈا گیٹس فاؤنڈیشن کے شریک چیئرمین پولیو کے خاتمے کے لیے ملک گیر مہم میں اہم کردار ادا کر رہے ہیں۔

انہوں نے کہا کہ بل گیٹس اپنے طے شدہ پروگرام کے علاوہ نیشنل کمانڈ اینڈ آپریشن سینٹر اور احساس پروگرام کے ہیڈ کوارٹر کا بھی دورہ کیا اور پاکستان روانگی سے قبل چک شہزاد واقع کووڈ- 19 کے علاج کے مرکز بھی جائیں گے۔