بنگلہ دیش: ریاستی وزیر شیخ محمد عبداللہ کا انتقال
عبداللہ نے گوپال گنج ۔3 انتخابی حلقہ میں وزیراعظم شیخ حسینہ کے پارلیمانی نمائندے کے طور پر کئی بار کام کرنے کے بعد 2018 میں ریاستی وزیر کے طور پر مذہبی امور کی وزارت کی ذمہ داری سنبھالی تھی۔
بنگلہ دیش کے مذہبی امور کے ریاستی وزیر شیخ محمد عبداللہ کا سنیچر کی تاخیر شب انتقال ہوگیا۔
عبداللہ کے پرسنل سکریٹری کھانڈیکر یاسر عرفات نے بتایا کہ شیخ محمد عبداللہ اللہ کا سنیچر کی رات 11 بجکر 45 منٹ پر ڈھاکہ کے جوائنٹ ملیٹری اسپتال میں علاج کے دوران انتقال ہوگیا۔ وہ 74 برس کے تھے۔ انہوں نے بتایا کہ عبداللہ کو دل کا دورہ پڑا تھا۔
وزارت کے ایک افسر نے بتایا کہ عبداللہ کو اپنے بیلی روڈ واقع گھر پر تقریباً دس بجکر 30 منٹ پر دل کا دورہ پڑا جس کے بعد انہیں اسپتال لے جایا گیا جہاں علاج کے دوران ان کا انتقال ہوگیا۔
عبداللہ نے گوپال گنج ۔3 انتخابی حلقہ میں وزیراعظم شیخ حسینہ کے پارلیمانی نمائندے کے طور پر کئی بار کام کرنے کے بعد 2018 کے انتخاب کے بعد ریاستی وزیر کے طور پر مذہبی امور کی وزارت کی ذمہ داری سنبھالی تھی۔
صدر محمد عبدالحامد اور وزیراعظم شیخ حسینہ نے ان کے انتقال پر رنج کا اظہار کیا ہے۔
آٹھ ستمبر 1945 کو گوپال گنج کے کیکنیا میں پیدا ہوئے عبداللہ شیخ محمد مطیع الرحمان اور رابعہ خاتون کے سات بچوں میں تیسرے نمبر پ تھے۔ انہوں نے 1966 میں کھلنا کے اعظم خاں کالج سے بی کام کی تعلیم حاصل کی اور بنگلہ دیش کی آزادی کے بعد ڈھاکہ یونیورسٹی سے ایم کام اور ایم اے کی ڈگری حاصل کی۔ انہوں نے ایل ایل بی کی ڈگری بھی لی تھی۔