بنگلہ دیش کی یورپی یونین سے مدد کی اپیل

شیخ حسینہ نے یورپی یونین سے کہا کہ روہنگیاؤں کو ان کے وطن واپس بھیجنے میں مسلسل مدد کرے۔

بنگلہ دیش کی وزیر اعظم شیخ حسینہ نے بے گھر ہوئے روہنگیا مسلمانوں کی وطن واپسی کو یقینی بنانے کے لیے مالی تعاون کی اپیل کی۔

بنگلہ دیش کے ایک اخبار کے مطابق وزیر اعلی شیخ حسینہ نے یورپی یونین کے ممبران کا شکریہ ادا کیا اور کہا 'وہ روہنگیاؤں کو وطن واپس بھیجے میں ان کی مدد کر رہے ہیں'۔ حسینہ کا یہ بیان اٹلی کے سیاست داں کے ساتھ ملاقات کے بعد سامنے آیا ہے۔

اجلاس کے بعد صحافیوں کو بریف کرتے ہوئے حسینہ کے پریس سکریٹری احسان الکریم نے کہا کہ دونوں فریقین نے 23 جنوری کو روہنگیا بحران سے متعلق بین الاقوامی عدالت انصاف کے فیصلے کا خیرمقدم کیا ہے'۔

آئی سی جی کی جانب سے میانمار حکومت کو یہ حکم جاری کیا گیا تھا کہ وہ میانمار میں مسلمانوں پر ہو رہے ظلم سے انہیں بچائیں اور مسلمانوں کی حفاضت کرئیں'۔

میانمار میں مسلمانوں پر ظلم و ستم اور تشدد کے دوران کئی افراد نے ملک چھوڑ کر دوسرے پڑوسی ملکوں میں پناہ لی ہوئی ہے، ایک رپورٹ کے مطابق 25 اگست سنہ 2017 کے بعد سے تقریباً 7 لاکھ 38 ہزار افراد نے میانمار چھوڑ کر بنگلہ دیش میں مقیم کیمپوں میں پناہ لی ہوئی ہے۔