بنگلہ دیش: 41 غیرسرکاری تظیموں کی امداد واپس

بنگلہ دیش کی حکومت نے کاکس بازار میں واقع روہنگیا پناہ گزین کیمپوں میں کام کر رہی 41 غیر سرکاری تنظیموں کے بدعنوانی میں ملوث ہونے کی وجہ سے ان کی امداد واپس لے لی ہے۔

بنگلہ دیش کے وزیر خارجہ اے کے عبدل مومن کے مطابق یہ 41 غیر سرکاری تنظیمیں روہنگیا بحران شروع ہونے کے وقت سے ہی کیمپوں میں خدمات انجام دے رہی تھیں۔

انہوں نے ہفتہ کو سلہٹ میں ایک پروگرام میں کہا’’ان غیر سرکاری تنظیموں کے غلط کاموں کی وجہ سے ان کی امداد واپس لے لی گئی ہے۔

روہنگیا مسلمانوں کی فلاح و بہبود کے لیے کام کرنے والی کئی دیگر غیر سرکاری تنظیمیں بھی بنگلہ دیش حکومت کی نگرانی میں ہیں کیونکہ کچھ تنظیموں کو غیر قانونی کاموں میں ملوث پایا گیا ہے۔

وزیر خارجہ نے کہا’’ ان کی نگرانی کی جارہی ہے ۔ اگر ان کے خلاف انھیں کوئی ثبوت ملتا ہے تو انہیں بھی کارروائی کا سامنا کرنا پڑے گا ۔