بلوچستان دھماکے میں چار پاکستانی فوجی ہلاک

پاکستان کے صوبہ بلوچستان میں حال ہی میں عسکریت پسندی کے متعدد واقعات سامنے آئے ہیں۔ گزشتہ دو ماہ کے دوران حفاظتی اہلکاروں اور عام شہریوں پر حملوں میں اضافہ دیکھا گیا ہے۔

انٹیلی جنس رپورٹ کے مطابق پاکستان کے بلوچستان صوبے میں جمعرات کو آئی ای ڈی دھماکے میں چار پاکستانی فوجی ہلاک جبکہ پانچ دیگر زخمی ہو گئے۔

یہ واقعہ سیبی ضلع میں بدھ کی دوپہر کو پیش آیا۔

دھماکے کے بعد فرنٹئر کور کے اہلکاروں نے دھماکے کے مقام پر دہشت گردوں کو روکنے اور گاڑیوں کی نگرانی کے لئے ایک نیا ناکہ قائم کرنے کے لئے سڑک کو صاف کیا۔ اس کی اطلاع ذرائع نے ژنہوا نیوز ایجنسی کو دی۔

زخمی فوجیوں کو صوبے کے دارالحکومت کوئٹہ بذریعہ طیارہ پہنچایا گیا۔

ذرائع نے مزید بتایا کہ کالعدم تنظیم ’’بلوچستان لبریشن آرمی‘‘ نے حملے کی ذمہ داری قبول کرلی ہے۔

دہشت گردی کے بڑھتے ہوئے واقعات کے تناظر میں صوبائی حکومت نے عسکریت پسندی کے خلاف صوبہ بھر میں ایک آپریشن شروع کیا ہے۔