انڈونیشیا میں مٹی کے تودے گرنے سے دو افراد ہلاک، 16 لاپتہ

انڈونیشیا کے جاوا میں مٹی کے تودے گرنے سے کم از کم دو افراد کے ہلاک اور دیگر 16 افراد کے لاپتہ ہونے کی خبر ہے۔ راحت رسانی کا کام جاری ہے۔

انڈونیشیا میں مسلسل بارش کی وجہ سے انڈونیشیا کے مرکزی جزیرے جاوا میں لینڈ سلائیڈنگ ہوئی جس کے نتیجے میں کم از کم دو افراد ہلاک اور 16 دیگر لاپتہ ہوگئے ہیں۔

حکام نے بتایا کہ ایمرجنسی اہلکار مٹی کو ہٹانے کا کام کر رہے ہیں اور مزید متاثرین کا پتہ لگانے کی کوشش کی جارہی ہے۔

قومی آفات سے نمٹنے والی ایجنسی کے ایک ترجمان نے بتایا کہ مشرقی جاوا کے ضلع نانجک کے سیلوپورو گاؤں میں لاپتہ افراد کی تلاش میں فوجی جوانوں، پولیس اہلکار اور رضاکاروں سمیت سیکڑوں امدادی کارکنان موجود ہیں۔

گذشتہ روز پہاڑیوں سے مٹی کا تودہ آٹھ مکانات پر گرا جس سے مکانات پوری طرح تباہ ہوگئے، جس میں 21 افراد مٹی کے نیچے دب گئے۔ جس میں 16 افراد زخمی ہوئے ہیں۔

انڈونیشیا میں مٹی کے تودے گرنے سے دو افراد ہلاک، 16 لاپتہ

ترجمان نے بتایا کہ پیر کی رات بھی ہونے والی مسلسل بارش کے باعث صوبے کے دیگر اضلاع میں ندی کا پانی بھر گیا ہے۔ ندی کا پانی رہائشی علاقوں میں داخل ہوگیا ہے، سیکڑوں افراد اپنے زیر آب آنے والے گھروں سے بھاگ جانے پر مجبور ہوگئے ہیں۔

گذشتہ کچھ دنوں سے وسیع جزیرے والے ملک کے دوسرے بہت سے صوبوں میں بھی شدید سیلاب کی اطلاع ملی ہے۔

خیال رہے کہ انڈونیشیا میں ہر برس موسلادھار بارش کے نتیجے میں مٹی کے تودے گرتے ہیں اور سیلاب آتے ہیں، جس کی وجہ سے وہاں کی عوام کو ہر برس مشکلات کا سامنا کرنا پڑتا ہے۔