پشاور آرمی اسکول پر حملے کی برسی، عمران خان کا ٹویٹ

پشاور آرمی اسکول پر دہشت گردانہ حملے کی چھٹویں برسی کے موقع پر پاکستان کے وزیر اعظم عمران نے ٹویٹ کرکے متاثرین کو یاد کیا اور دہشت گردی کے خلاف لڑائی جاری رکھنے کے عزم کا اعادہ کیا۔

آج پشاور آرمی اسکول پر دہشت گردانہ حملے کی چھٹویں برسی ہے۔ آج سے چھ سال پہلے یعنی 16 دسمبر کو یہ واقعہ پیش آیا تھا۔ پاکستان سمیت دنیا بھر میں لوگوں نے اس خونچکا دہشت گردانہ حملے کو یاد کیا اور حملے میں شہید ہونے والے معصوم بچوں کو خراج عقیدت پیش کیا۔

حملے کی چھٹویں برسی کے موقع پر پاکستان کے وزیر اعظم عمران خان نے اس دن کو یاد کرتے ہوئے کہا کہ 'آج سے 6 برس قبل آرمی پبلک سکول کے بچوں اور اساتذہ کیخلاف دہشت گردی کے بدترین حملے سے قوم شدید کرب اور صدمے سے دوچار ہوئی اور پوری قوم نے یکجا ہوکر ذمہ داروں کو کیفرِ کردار تک پہنچانے کی ٹھانی۔'

عمران خان کا ٹویٹ

وزیر اعظم عمران خان نے دہشت گردی کے خلاف لڑائی جاری رکھنے کے عزم کا اعادہ کرتے ہوئے کہا کہ 'ہم پوری طرح پرعزم رہے اور اس حوالے سے قوم سے اپنے وعدے کی تکمیل میں آگے بڑھ رہے ہیں۔'

واضح رہے کہ آج پشاور آرمی اسکول پر دہشت گردانہ حملے کے خلاف دنیا بھر میں شدید رد عمل سامنے آیا تھا۔ اس روز پیش آنے والے واقعات بچوں کے والدین اور متاثرین کے ذہن پر نقش ہیں جن کی یاد آج بھی انہیں پریشان کر دیتی ہے۔