افغانستان میں فضائی حملے میں آٹھ طالبان جنگجو ہلاک

اس فوجی کارروائی کے دوران افغان فوج نے دو ٹینک تباہ کردیئے، جنہیں طالبان نے بڑے حملوں میں استعمال کیا تھا۔

افغانستان کے شمالی صوبہ فاریاب میں افغان فوج کے ایک فضائی حملے میں 8 طالبان جنگجو ہلاک اور 3 دیگر زخمی ہوگئے۔ فوج نے یہ اطلاع منگل کے روز ایک بیان میں دی ہے۔

بیان میں کہا گیا ہے 'پیر کے روز صوبہ فاریاب کے ضلع دولت آباد میں ایک فضائی حملے میں کم از کم آٹھ طالبان جنگجو ہلاک اور تین دیگر زخمی ہوگئے'۔

اس فوجی کارروائی کے دوران افغان فوج نے دو ٹینک تباہ کردیئے، جنہیں طالبان نے بڑے حملوں میں استعمال کیا کرتے تھے۔ فی الحال، طالبان نے اس واقعے پر کوئی بیان جاری نہيں کیا ہے۔

افغانستان میں آئے دن عام لوگ، طالبانی اور افغان فوجی بمباری میں ہلاک ہوتے ہیں۔ افغانستان کے ضلع ناد علی میں کچھ روز قبلب ایک ایئر اسٹرائک میں دو عام شہری ہلاک ہو گئے تھے۔

وہیں پاکستان نے افغانستان حکومت کو ملک میں امن بحال کرنے کے لیے انٹرا افغانستان ڈائلوگ لانچ کرنے کی تجویز پیش کی ہے۔