امریکی وزیر خزانہ اسٹیفن منوچن کا کہنا ہے کہ 'چند ماہ قبل سعودی عرب میں 'آرامکو' کی تنصیبات پر کیے گئے حملوں کا ہدف عالمی معیشت کو تباہ کرنا تھا۔'
وزیر خزانہ نے واضح طور پر کہا کہ آرامکو پر ایران کی جانب سے حملہ کیا گیا تھا۔ تاہم ایران ہمیشہ سے ہی آرامکو پر حملے سے خود کو علیحدہ بتاتا رہا ہے۔ ساتھ ہی انہوں نے یہ بھی کہا کہ سعودی عرب میں تعینات کی گئی امریکی فوج محض دفاعی مقاصد کے لیے ہے۔
اس سے قبل نیوز ایجنسی رائٹرز نے اپنی تحقیقاتی رپورٹ میں اس بات کا انکشاف کیا تھا، کہ اس حملے میں ایران مکمل طور پر شامل تھا۔
ایجنسی کا کہنا ہے کہ حملے سے چار ماہ قبل ایرانی سیکیورٹی اہلکار تہران کے سخت سیکیورٹی والے کمپاوںڈ میں جمع ہوئے تھے۔ ان میں پاسداران انقلاب کے سینیر کمانڈرز بھی شامل تھے۔
امریکہ وزیر خزانہ نے کہا کہ ایران پر امریکہ سبھی طرح اقتصادی پابندیاں ختم کر سکتا ہے، بشرطیکہ ایران سبھی ضروری شرائط مکمل کرے۔