علی بابا گروپ نے 10 لاکھ ماسک امریکہ کو عطیہ کیا

اس عطیے کی پہلی کھیپ شنگھائی سے امریکہ بھیجتے ہوئے انہوں نے ٹویٹ کیا۔ انہوں نے اپنے ٹویٹ پیغام میں لکھا کہ ' امریکہ میں رہنے والے ہمارے دوستوں کے لیے نیک خواہشات'۔

چین کے عرب پتی اور معرف تاجر علی بابا گروپ کے بانی جیک ما نے بڑے پیمانے پر پھیلے کورونا وائرس سے نمٹنے کے لیے 10 لاکھ ماسک اور 5 لاکھ کورونا وائرس ٹیسٹنگ کٹز امریکہ کو بطور عطیہ دینے کا اعلان کیا ہے۔

اس عطیے کی پہلی کھیپ شنگھائی سے امریکہ بھیجتے ہوئے انہوں نے ٹوئٹ کیا۔ انہوں نے اپنے ٹوئٹ پیغام میں لکھا کہ ' امریکہ میں رہنے والے ہمارے دوستوں کے لیے نیک خواہشات'۔

جیک ما کی تنظیم 'ما فاونڈیشن' نے اس سے قبل مذکورہ چیزیں روانہ کرتے ہوئے لکھا تھا کہ اپنے ملک سے تجربہ حاصل کرنے کے بعد جلد اور درست تشخیص والی مناسب کٹز ہے، جو کہ وائرس کو پھیلنے کو روکنے میں بہت موثر ہے۔

فاونڈیشن کی جانب سے مزید کہا گیا کہ 'ہمیں امید ہے کہ ہمارے اس عطے سے امریکی باشندوں کو وبا سے نمٹنے میں مدد ملے گی'۔

نیویارک پوسٹ کے مطابق رواں ماہ کے اوائل میں بھی 'ما فاونڈیش' کی جانب سے 10 لاکھ ماسک جاپان بھی بھیجا گیا تھا اور ایران بھیجنے کی کوشش کی جا رہی تھی۔

نیویارک پوسٹ نے مزید لکھا ہے کہ 18 لاکھ ماسک اور 1 لاکھ ٹیسٹنگ کٹز دو سب سے زیادہ متاثر ممالک اٹلی اور اسپین سمیت یورپ کے دیگر ممالک میں بھی بھیجے جائیں گے۔

خیال رہے کہ چین دنیا کا سب سے زیادہ ماسک سپلائی کرنے والا ملک ہے، لیکن ملک میں بڑے پیمانے پر کھپت کے سبب جنوری سے دنیا کے دیگر ممالک میں اس کی سپلائی میں کمی کر دی گئی ہے۔

واضح رہے کہ فی الحال دنیا بھر میں ایک لاکھ 64 ہزار سے زائد افراد کورونا وائرس سے متاثر ہوئے ہیں، جبکہ کم از کم ساڑھے 6 ہزار افراد وائرس کے سبب ہلاک ہو چکے ہیں۔