سکیورٹی سے متعلق معاملے میں ٹرمپ کے مشیرکی معطلی

پیک نومبر 2017 سے اس عہدہ پر فائز تھے۔ اس سے پہلے وہ عراق اور ایران کے لئے ڈپٹی اسسٹنٹ سکریٹری کے طور پر کام کر رہے تھے۔

روس پر امریکہ کے صدر ڈونلڈ ٹرمپ کے مشیروں میں سے ایک اینڈریو پیک کو سیکورٹی سے متعلق معاملہ میں تفتیش کے بعد معطل کر دیا گیا ہے ایكس آس نیوز پورٹل کے مطابق معطلی کے پیچھے صرف سیکورٹی کی وجہ بتائی گئی ہے اور اس سلسلہ میں کوئی دیگر تفصیلات نہیں دی گئی ہے۔

قومی سلامتی کونسل میں یورپی اور روسی امور کے سینئر ڈائرکٹر اینڈریوپیک آئندہ ہفتہ سوئٹزرلینڈ کے ڈیووس میں ہونے والے ورلڈ اکنامک فورم میں شرکت کے لئے مسٹر ٹرمپ کے ساتھ جانے والے تھے۔ وائٹ ہاؤس اور مسٹر پیک نے اس معاملہ پر کسی بھی طرح کا بیان دینے سے انکار کر دیا ہے۔

قابل ذکر ہے کہ پیک نومبر 2017 سے اس عہدہ پر فائز تھے۔ اس سے پہلے وہ عراق اور ایران کے لئے ڈپٹی اسسٹنٹ سکریٹری کے طور پر کام کر رہے تھے۔