چین میں طوفان کا قہر، 28 افراد ہلاک

چین کے ژجیانگ صوبے میں شدید طوفان کی وجہ سے 28 افراد ہلاک ہو گئے اور 20 دیگر لاپتہ ہو گئے ہیں۔

مقامی حکام نے بتایا کہ 'طوفان ’لیكما‘ مشرقی چین کے ژجیانگ صوبے میں ہفتہ کو سمندر سے ٹکرایا جس کے بعد سے ہی علاقے میں تیز بارش ہو رہی ہے۔'
صوبائی فلڈ کنٹرول ہیڈ کوارٹر کے مطابق طوفان کی وجہ سے تقریباً 10 لاکھ 80 ہزار افراد کو محفوظ مقامات پر منتقل کیا گیا ہے اور اس کی وجہ سے ژجیانگ صوبے میں تقریباً 50 لاکھ لوگ متاثر ہوئے ہیں۔
خبر رساں ایجنسی ژنہوا کی رپورٹ کے مطابق طوفان لیكما کی وجہ سے بھاری بارش ہو رہی ہے اور سیلاب جیسی صورتحال پیدا ہو گئی ہے۔ يونگ جيا کاؤنٹی میں موسلادھار بارش ہو رہی ہے جس کی وجہ سے تودے گرنے سے ندیوں کا راستہ بند ہوگیا ہے۔
طوفان کے آج شان ڈونگ صوبے کے مشرقی ساحل سے ٹکرانے کے آثار ہیں۔