کوٹے ڈی آئیور میں منی بس ٹرک سے ٹکرائی، 23 افراد کی موت

جنوبی کوٹے ڈی آئیور میں ایک منی بس کے حادثہ میں کم از کم 23 افراد کی موت ہوگئی جب کہ 34 افراد زخمی ہوگئے۔ یہ اطلاع ماسکو سے ملنے والی خبروں میں دی گئی ہے۔

’فریٹ نائٹ میٹن‘ نامی اخبار کے مطابق ملک کے سب سے بڑے شہر عابد جان سے تقریباً 100 کلو میٹر (62 میل) شمال میں جمعرات کے روز ایک تیز رفتار منی بس ٹرک سے جا ٹکرائی۔

زخمیوں کو اسپتال میں داخل کرایا گیا ہے جس میں پانچ بچے بھی شامل ہیں۔ تین بالغ بے ہوشی کی حالت میں بتائے گئے ہیں۔

عینی شاہدین کا کہنا ہے کہ یہ حادثہ منی بس کے پنکچر ٹائر کی وجہ سے پیش آیا۔


یو این آئی