افغانستان: مسجد میں دھماکے، 62 افراد ہلاک

افغانستان کے صوبے ننگرہار میں ہونے والے دو الگ الگ بم دھماکوں میں 62 افراد ہلاک جبکہ 50 سے زائد کے زخمی ہونے اطلاع ہے۔

بین الاقوامی خبر رساں ادارے کے مطابق افغانستان کے صوبے ننگرہار کی ایک مسجد میں نماز جمعہ کے دوران اچانک زوردار دھماکے ہوئے، دھماکوں سے مسجد کے شیشے ٹوٹ گئے اور عمارت کو شدید نقصان پہنچا۔

ایجنسی نے بتایا کہ زخمیوں کو قریبی ہسپتال منتقل کیا گیا ہے زخمیوں میں بعض کی حالت تشویشناک ہے جس کے نتیجے میں ہلاکتوں میں اضافہ کا خدشہ ہے۔

ننگرہار پولیس کا کہنا ہے کہ تحقیقات جاری ہیں، مسجد پر دو دھماکے کیے گئے ہیں۔ ابھی تک کسی بھی شدت پسند تنظیم نے حملے کی ذمہ داری قبول نہیں کی ہے۔