جاپان میں زلزلے کے جھٹکے

جاپان کے شہر فوکوشیما میں آج زلزلے کے شدید جھٹکے محسوس کیے گئے۔

جاپان کی موسمی سائنس ایجنسی کے مطابق زلزلہ کی شدت ریختر پیمانے پر 6.2 درج کی گئی اور اس کا مرکز سطح زمین سے 50 کلومیٹر کی گہرائی میں تھا۔

زلزلے کے جھٹکے مقامی وقت کے مطابق 7بجکر 23منٹ پر محسوس کیے گئے۔

تفصیلات کے مطابق زلزلے کے جھٹکے تقریباً پانچ منٹ تک محسوس کیے گئے جبکہ کئی مقامات پر زلزلے کی شدت 7 تک ریکارڈ کی گئی، جھٹکے اتنے شدید تھے کہ 250کلومیٹر دور ٹوکیو میں بھی اس کی شدت محسوس کی گئی۔