فلسطینی کب تک ہلاک ہوتے رہیں گے؟

ہلاک ہونے والے نوجوان کی شناخت 26 سالہ مروان نصیر کے طور پر کی گئی ہے۔ نوجوان کے کسی بھی عسکریت پسند جماعت کے ساتھ منسلک ہونے کی خبر نہیں ہے۔

فلسطین کے غزہ پٹی میں ساحلی علاقے کے آس پاس اسرائیلی فوج اور فلسطینی عسکریت پسندوں کے درمیان ہونے والے فائرنگ کے تبادلے میں ایک فلسطیی نوجوان کے ہلاک ہونے کی خبر ہے۔

ہلاک ہونے والے نوجوان کی شناخت 26 سالہ مروان نصیر کے طور پر کی گئی ہے۔ نوجوان کے کسی بھی عسکریت پسند جماعت کے ساتھ منسلک ہونے کی خبر نہیں ہے۔

اسرائیلی فوج کا کہنا ہے کہ ' ایک مسلح دہشت گرد نے سرحدی علاقے میں آکر فوج پر گولی چلانا شروع کر دیا، جس کے رد عمل میں فوج کی جانب سے کارروائی کی گئی ہے'۔

اسرائیلی فوج کا مزید کہنا ہے کہ فلسطین کی عسکریت پسند جماعت 'حماس' کی جانب سے فوجی چھاونی کے نزدیک ایک ٹینک کو نشانہ بنایا گیا تھا۔

وہیں 'حماس' کا کہنا ہے کہ یہ حملہ انفرادی طور پر کسی پریشان اور مایوس شخص کی جانب سے کیا گیا تھا۔ یہ حملہ جماعت کی جانب سے منصوبہ بند طریقے پر نہیں کیا گیا تھا۔

غور طلب ہے کہ رواں ماہ میں ویسٹ بینک کے 'آفرا' میں تعینات ایک 19 سالہ اسرائیل فوجی کو چاقو مار کر ہلاک کر دیا گیا تھا، جس پر اسرائیلی وزیر اعظم نے شدید رد عمل کا اظہار کیا تھا۔