افغانستان میں 24 گھنٹے کے دوران 25 شدت پسند ہلاک

صوبائی پولیس نے بتایا کہ سیکیورٹی فورسز نے عسکریت پسندوں کے پاس سے کثیر مقدار میں اسلحہ اور گولہ بارود بھی برآمد کیا ہے۔

افغانستان کے مشرقی صوبہ لوگار میں گزشتہ 24 گھنٹوں کے دوران 25 شدت پسند مارے گئے اور 18 دیگر زخمی ہوگئے ہیں۔ صوبائی پولیس چیف شپور احمد زئی نے بدھ کو یہ اطلاع دی۔

انہوں نے کہا 'عسکریت پسندوں نے گزشتہ 24 گھنٹوں کے دوران براکی براک ضلع میں شوکر کلاں علاقہ کے پل عالم اور تاکی کلاں علاقہ میں پولیس تفتیشی مراکز پر حملہ کیا۔ اس دوران 25 عسکریت پسند مارے گئے اور 18 دیگر زخمی ہوگئے ہیں'۔

انہوں نے بتایا 'سیکیورٹی فورسز نے عسکریت پسندوں کے پاس سے کثیر مقدار میں اسلحہ اور گولہ بارود بھی برآمد کیا ہے'۔

طالبان نے ابھی تک اس تعلق سے کوئی تبصرہ نہیں کیا ہے۔