ترکی میں گذشتہ 24 گھنٹوں کے دوران عالمی وبا کورونا کے 1،693 نئے کیسز سامنے آئے ہیں۔
اس کے ساتھ ہی متاثرہ افراد کی مجموعی تعداد بڑھ کر 3،42،143 ہوگئی ہے جبکہ اس دوران 66 مریضوں کی ہلاکت سے اس وبا سے ہلاک ہونے والوں کی تعداد بڑھ کر 9،080 ہوگئی ہے۔ ترکی کی وزارت صحت نے جمعرات کو اس کی اطلاع دی۔
ترکی میں گذشتہ 24 گھنٹوں کے دوران کووڈ 19 کے 1،311 مریضوں کو صحت یاب ہونے کے بعد اسپتال سے فارغ کردیا گیا ہے۔ ترکی میں کورونا سے صحت یاب ہونے والوں کی تعداد میں اضافہ ہوا ہے اور یہ تعداد بڑھ کر 2،99،679 ہوگئی ہے۔
ترکی میں شدید بیمار مریضوں کی تعداد میں مسلسل کمی آ رہی ہے۔ واضح رہے کہ ترکی میں کورونا وائرس کا پہلا کیس 11 مارچ کو سامنے آیا تھا۔