ترکی میں کورونا کے مزید 1511 نئے کیسز

ترکی میں کورونا وائرس کے مزید 1511 نئے کیسز کی رپورٹ کے بعد اس ملک میں متاثرہ مریضوں کی تعداد تین لاکھ 27 ہزار 557 ہوگئی ہے۔

وزارت صحت کے مطابق منگل کے روز کورونا سے 55 افراد کی ہلاکت کے ساتھ اموات کی مجموعی تعداد 8553 ہوگئی، جبکہ جان لیوا وبا سے شفایابی حاصل کرنے والے مریضوں کی تعداد 1229 کے ساتھ بڑھ کر دو لاکھ 87 ہزار 599 ہوگئی ہے۔

وزارت صحت نے بتایا کہ 1414 مریض شدید بیمار ہیں۔ گزشتہ 24 گھنٹوں کے دوران112421 ٹیسٹ ہوئے اور اب تک اس ملک میں کل ایک کروڑ 10 لاکھ 44 ہزار 338 ٹیسٹ ہوچکے ہیں۔ قابل ذکر بات یہ ہے کہ ترکی میں کورونا کا پہلا کیس گذشتہ 11 مارچ کو سامنے آیا تھا۔