پاکستان کے بلوچستان میں واقع ایک قصبے میں منگل کے روز فٹبال میچ کے دوران ہونے والے دھماکے میں کم از کم 14 افراد زخمی ہوگئے ہیں۔
ضلع پولیس افسر طارق الٰہی مستوئی نے بتایا کہ "اس دھماکے میں فٹ بال میچ دیکھنے والے 14 افراد زخمی ہوگئے، دھماکے سے صنعتی شہر لرز اٹھا۔"
افسر نے بتایا کہ خوش قسمتی سے فٹ بال کا کوئی کھلاڑی اس دھماکے میں زخمی نہیں ہوا۔
مقامی پولیس نے بتایا کہ نامعلوم شرپسندوں نے فٹ بال گراؤنڈ کی دیوار کے ساتھ ہی ایک دیسی ساختہ دھماکہ خیز ڈیوائس (آئی ای ڈی) نصب کیا تھا جو میچ کے دوران بلاسٹ ہو گیا۔
پولیس نے نامعلوم افراد کے خلاف مقدمہ درج کرلیا ہے۔
ابھی تک کسی دہشت گرد تنظیم نے دھماکے کی ذمہ داری قبول نہیں کی ہے۔ ڈان کے مطابق بلوچستان میں تشدد میں اضافہ ہوا ہے اور پچھلے سال متعدد واقعات رپورٹ ہوئے ہیں۔
