عالمی وبا کورونا وائرس (کووڈ-19) سے متاثرہ شخص کے ساتھ رابطے میں آنے کے بعد عالمی ادارۂ صحت (ڈبلیو ایچ او) کے ڈائریکٹر جنرل خود کو الگ تھلگ کرتے ہوئے قرنطینہ میں چلے گئے ہیں۔
ورلڈ ہیلتھ آرگنائزیشن (ڈبلیو ایچ او) کے ڈائریکٹر جنرل ٹیڈروس ادہانوم گیبریئس نے ٹویٹ کیا کہ 'مجھے کسی ایسے شخص کے رابطے کے طور پر پہچانا گیا ہے جسے کورونا وائرس (کووڈ-19) مثبت ہوا تھا'۔
ٹیڈروس ادہانوم نے کہا 'میں اب ٹھیک ہوں اور ابھی کورونا کی کوئی علامات ظاہر نہیں ہوئی لیکن آنے والے دن میرے لیے سخت امتحان کے دن ہوسکتے ہیں'۔
انھوں نے کہا ہے کہ 'میں قرنطینہ میں ہوں جو ڈبلیو ایچ او پروٹوکول کے مطابق ہے اور میں اپنے گھر سے کام کروں گا'۔
عالمی ادارہ صحت کے ڈائریکٹر جنرل قرنطینہ میں رہ کر اپنے ہی سے کام کررہے ہیں انہوں نے زور دے کر کہا کہ 'بیماریوں کے دوران صحت کی ہدایات پر عمل کرنا ضروری ہے، تاکہ وبا کی منتقلی (ٹرانسمیشن) کو کم کیا جاسکے اور صحت کی دیکھ بھال کے نظام کو بوجھ سے دور کیا جاسکے'۔
گیبریئس نے کہا ہے کہ 'میں اور میرے ڈبلیو ایچ او کے ساتھی جان بچانے اور کمزور لوگوں کی حفاظت کے لئے یکجہتی میں شراکت داروں کے ساتھ مشغول رہیں گے'۔
