صحافی کو دھمکی دینے والے وائٹ ہاؤس کے ڈپٹی پریس سکریٹری کا استعفیٰ

امریکہ میں خاتون صحافی پامیری کی نجی زندگی کی جانچ اور اسے مارنے کی دھمکی دینے والے وائٹ ہاؤس کے ڈپٹی پریس سکریٹری ٹی جے ڈکلو نے استعفیٰ دے دیا ہے ۔

ڈکلو نے ہفتے کے روز ٹوئٹ کیا ’’میں وائٹ ہاؤس کے ساتھیوں اور صدر جو بائیڈن سے شرمندہ اور مایوس ہوں ، میں نے وائٹ ہاؤس مواصلات کی قیادت سے بات چیت کے بعد آج رات اپنے عہدے سے استعفی دے دیا۔ اب میں سرکاری چھٹی سے نہیں لوٹوں گا‘َ‘۔

خیال رہے جمعہ کے روز وائٹ ہاؤس کے پریس سکریٹری جین ساکی نے کہا تھا کہ ایک خاتون صحافی ڈکلو کی جانب سے مبینہ طور پر دھمکی دیئے جانے کے بعد انہیں ایک ہفتہ کے لئے معطل کردیا گیا تھا او لوٹنے پر انہیں نامہ نگاروں کے ساتھ کام کرنے کی اجازت نہیں ہوگی۔