امریکی صدارتی انتخاب میں صدر ڈونلڈ ٹرمپ سے مقابلہ کے لیے ڈیموکریٹک پارٹی کے دو امیدواروں سابق نائب صدر جو بائیڈن اور سینیٹر برنی سینڈرز میں سے جوبائیڈن کو اکثریت حاصل ہوئی ہے۔
ویڈیو: ہم مل کر ڈونلڈ ٹرمپ کو شکست دیں گے اکثریت حاصل کرنے کے بعد جوبائیڈن نے سینیٹر برنی سینڈرز سے کہا ہے کہ 'ہمارے مقاصد یکساں ہیں۔ ہم مل کر ڈونلڈ ٹرمپ کو شکست دیں گے'
سابق نائب صدر جوبائیڈن پارٹی انتخاب میں واضح اکثریت کے بعد پرجوش انداز میں جوبائیڈن نے منگل کو مشی گن اور دیگر ریاستوں میں جیت کے ساتھ ہی ڈیموکریٹک نامزدگی کی دوڑ پر قابو پالیا ہے۔ انھوں نے صدر ڈونلڈ ٹرمپ سے مقابلے کے لیے بائیں بازو کے امیدورا برنی سینڈرز کو شکست دے دیا ہے۔
فلاڈیلفیا میں اپنے حامیوں سے خطاب کرتے ہوئے جوبائیڈن نے قومی ٹیلی ویژن پر اعلان کیا کہ 'وہ امریکہ جیسی قوم کی راہنمائی کریں گے'۔
انہوں نے اپنے خطاب میں برنی سینڈرس سے مخاطب ہوتے ہوئے کہا کہ 'ہم ایک مشترکہ مقصد رکھتے ہیں اور ہم مل کر ڈونلڈ ٹرمپ کو ہرا دیں گے'۔
واضح رہے کہ رواں برس نومبر میں امریکہ کے صدارتی انتخابات ہونے والے ہیں۔ اس میں ری پبلیکن پارٹی کے امیدوار موجودہ صدر ڈونالڈ ٹرمپ ہوں گے وہیں ڈیموکریٹک پارٹی کے دو امیدوارں جو بائیڈن اور سینیٹر برنی سینڈرز میدان میں ہیں۔
اس ہفتہ ڈیموکریٹک پارٹی کے حتمی امیدوار کے لیے 'پارٹی میں اندرونی انتخاب' ہوا تھا۔ جس میں واضح اکثریت جوبائیڈن کو حاصل ہوئی ہے۔
