وینزویلا کے صدر نکولس مدورو نے امریکہ میں صدارتی انتخابات میں کامیابی حاصل کرنے والے ڈیموکریٹک پارٹی کے امیدوار جو بائیڈن کو مبارکباد پیش کرتے ہوئے کہا ہے کہ ان کا ملک امریکہ کے ساتھ مذاکرات کے لئے مکمل طور پر تیار ہے۔
مدورو نے ہفتے کے روز ٹویٹر پر لکھا ’’میں صدارتی انتخاب کے سلسلے میں امریکی عوام کو مبارکباد دینا چاہتا ہوں۔ میں صدر بائیڈن اور نائب صدر کے عہدے کے لئے منتخب کملا ہیریس کو ان کی جیت کے لئے مبارکباد بھی دینا چاہتا ہوں‘‘۔
وینزویلا کے صدر نے کہا ’’وینزویلا ہمیشہ ہی امریکہ کے عوام اور ان کی حکومت کے ساتھ بات چیت کا آغاز کرنا چاہتا ہے‘‘۔