امریکہ اور طالبان کے مابین تشدد میں کمی کے نفاذ کا آغاز

افغانستان میں امریکہ اور طالبان کے درمیان تشدد میں کمی کے اطلاق کا سلسلہ شروع ہوگیا ہے۔

افغانستان کے صدر اشرف غنی کا کہنا ہے کہ طالبان کی جانب سے تشدد میں کمی کے آغاز کے لیے رات 12 بجے کا وقت مقرر تھا۔

افغان صدر اشرف غنی نے کہا ہے کہ 'ہمیں محتاط انداز اپنانا ہوگا، ہماری فورسز صورتحال کو سنجیدگی سے لے رہی ہے، طالبان کے علاوہ القاعدہ، داعش اور دیگر گروہوں کےخلاف کارروائیاں جاری رہیں گی۔

اس سے قبل امریکی وزیرخارجہ مائیک پومپیو کا کہنا تھا کہ طالبان کے ساتھ افغانستان میں تشدد کے واقعات میں کمی پر اتفاق ہوگیا ہے۔ اس سمجھوتے پر کامیابی سے عمل درآمد کیا گیا تو 29 فروری کو امن معاہدہ پر دستخط کئے جائیں گے۔